Gönguferðir
Gönguferðirnar eru oftast eins eða tveggja vikna og besti tíminn fyrir þannig ferðir er í júlí, ágúst og september. Í sumum ferðunum er gengið á milli gistiskála en í öðrum er ferðast með tjald. Göngufólk ber þó aðeins dagspakka og jeppi eða hestar sjá um að koma farangri og öðrum búnaði á milli staða.

Einstakt ævintýri
Fyrir fólk sem vill kynnast náttúrunni og lenda í alvöru ævintýrum bjóðum við tvær til þrjár ferðir árlega. Þessar ferðir eru aðeins fyrir vant göngufólk og bestu leiðsögumenn okkar fara með. Allur búnaður er borinn í bakpokum og gefa svona ferðir einstaka upplifun á hálendi og óbyggðum Íslands. Einstakt ævintýri er hér á ferð sem ekki er á allra færi!