Orkuveita Reykjavíkur. Strókur. Elliðaárdalur. Gvendarbrunnur. Vatnstökusvæði Orkuveitunnar. Nesjavellir. Neysluvatn.

Orkuveita Reykjavíkur aflar og dreifir vistvænni orku á sem hagkvæmastan hátt í sátt við umhverfið. Starfsemi fyrirtækisins tekur mið af skynsamlegri nýtingu orkulinda í samræmi við lög og reglur um umhverfismat. Orkuveita Reykjavíkur er til fyrirmyndar í umgengni á eigin umráðasvæðum og vinnur þar að uppgræðslu lands og friðun dýralífs. Stefna Orkuveitunnar er að sjá viðskiptavinum sínum fyir ódýrri vistvænni orku sem framleidd er á hagkvæman hátt úr endurnýjanlegum íslenskum orkulindum. Þannig mun fyrirtækið stuðla að aukinni notkun hreinnar innlendrar orku og um leið leggja sitt að mörkum til framfara í landinu.

Nesjavellir, stærsta jarðhitaorkuver Íslands.

Orkuveita Reykjavíkur vinnur í sátt við náttúruna á öllum sviðum. Stuðlað er að góðri nýtingu náttúruauðlinda, fegrun lands og umhverfis.

Lögð er áhersla á:

Langtíma notkun auðlinda með góðri orkunýtingu.

Notkun hreinna orkugjafa.

Frumkvæði og fyrirhyggju með öflugum rannsóknum og gagnasöfnun um auðlindir og nýtingu orkunnar.

Að taka tillit til umhverfisáhrifa við hönnun og framkvæmdir.

Færslu umhverfisbókhalds.

Fylgjast með þróun í umhverfismálum og innleiða jafnóðum nýjar aðferðir sem taldar eru til bóta.

Eflingu umhverfisvitundar starfsfólks og almennings.

Lágmörkun notkunar spilliefna og förgun þeirra samkvæmt ströngum varúðarráðstöfunum.

Uppgræðslu og skógrækt.

Góða samvinnu við opinbera aðila í umhverfismálum.

Orkuveita Reykjavíkur
Suðurlandsbraut 34
108 Reykjavík

Sími 585 6000
Fax 581 4485

Rafpóstur
Heimasíðan okkar

Enska

Kínverska
Simplified/Reformed

Kínverska
Classical/Traditional

Vatn er undirstaða alls lífs og nú á dögum hafa íbúar Reykjavíkur greiðan aðgang að hreinu neysluvatni, þó að sú hafi ekki ávallt verið raunin. Helsta vatnstökusvæði Orkuveitunnar er í Heiðmörk, í svonefndum Gvendarbrunnum sem kenndir eru við Guðmund góða Arason biskup, en einnig eru brunnar á Jaðarsvæði, Myllulækjarsvæði og í Vatnsendakrika.

Perla Reykjavíkur.

Eitt vinsælasta útivistarsvæði Reykvíkinga er Elliðaárdalurinn. Daglega njóta hundruð Reykvíkinga útivistar í dalnum og ekki þarf lengi að fara þar um til þess að sjá fólk á ferli um dalinn þveran og endilangan enda er vel búið að útivistarfólki, stígar og brautir fyrir gangandi og hjólandi umferð.

Elliðaárnar hafa oft verið nefndar perla Reykjavíkur, enda einstakt að laxveiðiá renni í gegnum höfuðborg. Reykjavíkurborg keypti Elliðaárnar árið 1906, ekki til laxveiða heldur beislunar vatnsafls og rafstöðin var reist um 1920. Um það leyti hefur líklega hafist trjárækt í Elliðaárdalnum en árið 1951 hóf Rafmagnsveita Reykjavíkur skógræktar- og uppgræðslustarf í árhólmanum, sem er eitt mesta aðdráttarafl dalsins.

Fuglalíf er fjölskrúðugt í Elliðaárdal og þar hafa einnig fundist fornminjar, m.a. frá tíð Innréttinganna.

Gestir eru velkomnir.

Hengill er 803 m hár fjallshryggur, að mestu úr móbergi en einnig er í honum grágrýti og líparít. Hengilssvæðið er einkar vinsælt á veturna til skíðaiðkana og útivistar, en þeim fer fjölgandi sem nýta sér svæðið einnig til útivistar á öðrum árstímum. Hengilsvæðið er mikið jarðhitasvæði og ferðafólk hrífst þar af stórbrotnu landslagi - heitum hverum, hraungígum, ám og vötnum og gróðursælum blettum.