Radisson BLU Hótel Saga
Hagatorg
107 Reykjavík
Ísland

Sími + 354 525 9900
Fax + 354 525 9909

Póstfang
Vefsíða

English

BOOK NOW

Fjögurra stjörnu hótel sem hefur í áratugi verið eitt af flaggskipum íslenskra hótela. Umhverfið er rólegt, enda stutt í Þjóðminjasafnið, Þjóðarbókhlöðuna og Háskóla Íslands, en það tekur samt ekki nema nokkrar mínútur að rölta meðfram Tjörninni í fjörið í miðbænum. Stutt er í Reykjavíkurflugvöll og allar helstu strætóleiðir borgarinnar.

Á Radisson BLU Hótel Sögu eru fyrsta flokks herbergi, veislusalir, verslanir og tveir veitingastaðir, Skrúður og Grillið. Hinn fyrrnefndi er þekktur fyrir lifandi stemmningu, hádegishlaðborð í miðri viku og „brunch“ um helgar og gleður bragðlaukana með fjölbreyttum brasserie-matseðli. Um Grillið á Hótel Sögu þarf tæpast að fjölyrða – það hefur í áratugi haldið sessi sínum sem einn glæsilegasti veitingastaður landsins og útsýnið af áttundu hæðinni er óviðjafnanlegt.

Viðskiptaferðalangar hafa ávallt hrifist af Radisson BLU Hótel Sögu, enda er funda- og ráðstefnuaðstaða fyrsta flokks, nettenging og skrifborð fylgja öllum herbergjum og öll þægindi við höndina. Að loknum erfiðum vinnudegi má slaka á í spa-inu, taka á í líkamsræktinni eða kæla sig niður með drykk á Mímisbar.